Librezale

= Software

URL=http://librezale.org

Xehetasunak

Librezale euskara informatikaren munduan bultzatzea helburu duen lantalde irekia da. Librezalek ez dauka egitura finkorik, eta edozeinek har dezake parte nahi duen modura eta nahi dion denbora eskainiz. Librezalen parte hartu nahi izanez gero, begiratu gure webguneko Parte hartu nahi duzu? atala.

Jatorri eta ikuskera askotako lagunak ari gara Librezalen, baina denok ere oinarrizko printzipio batzuk jarraitzen ditugu:

• Aplikazio informatikoak euskaraz edukitzeko lan egiten dugu. Horretarako, euskarazko softwarea sortzen duen edo softwarea euskaratzen duen edonori gure laguntza, baliabide, lanabes eta esperientzia eskaintzen diogu.
• Software librea lehenesten dugu, askatasun gehien ematen duena delako.
• Gure lanak ere lizentzia libreekin banatzen ditugu, egindako lana etorkizunerako ere baliagarria izatea nahi dugulako.
• Zubiak eraiki behar direnez, plataforma anitzetan dabiltzan programak lehenesten ditugu.
• Estandar eta formatu irekien alde egiten dugu, aukerak aukera, elkar ulertzeko ezinbestekoak direlako.

Aurrekoaz gain:

• Informatikaz euskaraz hitz egingo duen komunitatea sortu, denon artean erabiltzaileek aurki ditzaketen arazoei irtenbidea bilatzen saiatzeko.
• Dokumentazioa sortu/euskaratzea ere ezinbestekoa ikusten dugu.
• Gure azken helburua (informatikan ere libre eta euskaraz aritzea) soilik guretzat lortzearekin ez gara konformatzen, hori inguratzen gaituen gizarteari zabaldu nahi diogu.

More Information

• Contact e-mail: [email protected]
• Location: 43.2566901, -2.924061599999959
• Topics: Software